قصة مكالمة خطيب لخطيبته شوفو جرأتها عليه

قصة مكالمة خطيب لخطيبته شوفو جرأتها عليه



رن جوالها للمرة الخامسة وردت عليه الخطيبة:

الخطيب:أعتقد أنا انسان مو ***** تطنشيني وماتردين على اتصالتي.

الخطيبة:رد السلام في الاول وبعدين نتفاهم.



الخطيب:وش راح يكون عذرك يعني بتقولين كنت نايمة ولا قاعدة مع أمي وخواتي.

الخطيبة: الله يسامحك تتهمني قبل ما تسمع مني.



الخطيب:بصراحة الأمر واضح بدون ماتوضحين..ليش ماتردين على اتصالتي اكيد كنت مشغولة مع غيري ما كنت فاضية لي؟

الخطيبة:بصراحه فعلا كنت مشغولة مع غيرك.



الخطيب:من هذا اللي ماخذ عقلك وكل تفكيرك لدرجة ما خلاك تردين على اتصالتي؟

الخطيبة:بصراحه لما أكون معاه أنسى الدنيا وما فيها فلازم ياعزيزي تعذرني.



الخطيب:وبكل وقاحة تقولين هذا الكلام قدامي وحنا بعدنا مخطوبيين ولو تزوجنا وش راح تسوين؟

الخطيبة:الله يسامحك ما في داعي للغلط مادمت انا ما غلطت عليك.



الخطيب:كل هذا وما غلطتي..تطنشين اتصالتي وماتردين علي 4اتصالات طول اليوم ولما رديتي الحين تقولين لما أكون معاه أنسى الدنيا وما فيها كل هذا وما غلطتي؟

الخطيبة:هذا ماحصل فعلا كنت مشغولة معاه وما قدرت ارد على اتصالاتك.



الخطيب:الظاهر ما راح نقدر نكممل هذي العلاقة فخليك مع اللي كنت مشغولة معاه واللي فضلتيه علي.

الخطيبة:جزاك الله خير هذا أحسن شي سويته.



الخطيب باستغراب:ليش انتي فرحانة لفصلك الخطوبة ومن هذا اللي ضحيتي فيني علشانه؟

الخطيبة:أنا فرحانة لان اتصالاتك الأربعه اليوم كشفت لي شيء خطير يبعدني عنك ويخليني أصمم على فصخ الخطوبة.



الخطيب باستغراب:ممكن تفهميني أكثر.

الخطيبة:انت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه



الخطيب:شيء عجيب انك تتذكرين حتى ساعة الاتصال بكل دقة.

الخطيبة:أتذكرها لأنها الأوقات اللي أكون فيها مشغولة مع أحب واللي أنسى كل شيء من أجله وبالذات لما أكون معاه في هذي الأوقات..وأنا الأن فرحانة
لأني اكتشفت انك مشغول عن من هوأحق بانشغالك به،تحب تعرف أنا مع من كنت؟



الخطيب:من معاه؟


الخطيبة: كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها،وأنا ماأقدار أرتبط في انسان لاتربطه صلة بالله.


أغلقت الخطيبة التيليفون بوجه خطيبها بعد أن قررت هي الابتعاد عنه.


أعجبتني وحبيت انقلها لكم
للآسف في هذا الوقت قليل ممكن نلاقي مثل هالبنت
الوحدة بس تنخطب تنشغل بخطيبها وبجهازها ( إلا من رحم ربي )
اللهم لاتشغلنا إلا في طاعتك.... آميييين